शून्यता प्रिय लाग्दो छ
रामहरि पौड्याल
भरतपुर १२/१९३, चितवन
शून्यता एउटा नीरव शान्ति
शून्यता एउटा मौन क्रान्ति
शुन्य छन् भावनाहरु, शुन्य छन् बिचारहरु
मान्छेको कोलाहल, सहरको प्रदुषणले आक्रान्त
मलाई शून्यता प्रिय लाग्दो छ !
शून्यता एउटा शाश्वत सत्य
शून्यता एउटा परमानन्द जीवनको
शून्य छन् समयहरु, शून्य छन् अवयवहरू
मान्छेको बैचारिक दारिद्य्र, सहरको नक्कली जीवनशैली
मलाई शून्यता प्रिय लाग्दो छ !
शून्यता एउटा जागरण नया युगको
शून्यता एउटा प्रेरणा नया पिढीको
शून्य भए गाउँ बस्तीहरु, शून्य भए धर्ती र आकाशहरु
मान्छेको जीजीबिषा बदलिँदो हो शून्यतासंगै
मान्छेको अघोरी अभिलाषा थन्किदो हो मौनतासंगै
त्यसैले त मलाई मौनता प्रिय लाग्दो छ !
रचना काल: फेब्रुअरी १५, २००१
सान कार्लोस सिटी, फिलिपिन्स
सम्प्रति: संयुक्त अधिराज्य बेलायत
No comments:
Post a Comment