Labels

Total Pageviews

Monday, December 28, 2015

हाम्रा साना छोरी यी

हाम्रा साना छोरी यी
कविता : बालोरी  छन्द
रामहरि पौड्याल
भरतपुर १२ /१९३ , बसन्त चोक , चितवन

कति राम्री प्रेरणा
छ प्रेमिल सबैकी
कति राम्री प्रेमा यो
हो प्रेरणा सबैकी
उफ्री उफ्री दौडने
पानी देखे पौडने
लुकी लुकी छक्काइ
बैनीलाई पड्काई
भाग्दै दौडे केटी ती
हाँसो मीठो यिनको
नाच राम्रो तिनको
हेर्छौं हामी खेल यो
पर्छौं दङ्ग मेल त्यो
दिदी बैनी प्रेमाका
छोरीहरु आमाका
साथीहरु बाबाका
नानी हाम्रा आँखाका
सानी हाम्रा काखका
बिदेशमा जन्मेका
पर्देशमा हुर्केका
नानी हुन कूलका
पानी हुन मुलका
छुनु मुनु दकुर्ने
बैनीलाई भकुर्ने
प्रेरणा यो छुची हो
प्रेमा अझै फुची हो
आमालाई हसाई
बाबालाई फसाई
आफ्नो कुरा पटाई
कति धेरै पुतली
खेल्छन यी सुसेली
सुनकेस्रा रानीको
बेलायती रुप त्यो
स्नो व्हाइट नाम हो
सिन्ड्रेला त्यो यिनको
बेस्ट डल तिनको
बार्बि डल, अरोरा
साथि हुन प्रेमाका
डक डायरी प्रेरणा
एक्ला एक्लै लेख्छिन
आफैं हाँसी नाच्छिन
हाम्रा साना छोरी यी
भोली कस्ता हुन्छन ?

सम्प्रति: संयुक्त अधिराज्य बेलायत







Thursday, December 24, 2015

सेतो धर्ती
रामहरि पौड्याल
भरतपुर १२१९३ , बसन्त चोक , चितवन

बिश्वोको केन्द्र युरोप,
यतिखेर हिम साम्राज्यमा हराएको |
सारा धर्ती हिमाच्छादित बनेको ,
माइनस सातको चीसोमा कठांग्रिएको |
बोट वृक्षहरू हिम फलाई रहेछन
बन जंगल पहाड पर्बतहरु हिंउ फुलाई रहेछन |
फाँट हरु बारी टारिहरुमा सर्बत्र हिंउ  लहराई रहेछन |
कति सफा स्निग्ध देखिञ्छ यो रोमान्चक सेतो धर्ती !
माइनस सात / नौ ...को चीसोमा पनि
रोकिदैन मान्छेहरुको उमङ्ग
छेकिदैन उनीहरुको उत्साह |
खेली रहेछन हिंउ खेल / हिउँ चिप्लेटी
साना नानीहरु समेत -
स्नो बल / हिंउ फाइट !
सलल स्लेज्मा चिप्लिंदै,
डङ्गरङ्ग  हिउँ मा लड्दै
पछारिदै उठ्दै
एउटा रोमान्चक अनुभूति
पुरै युरोप हिउँ साम्राज्यमा पुरिएको
महान खुसियाली हिउँ पर्ब ,
क्रिस्चियन हरुको महान चाड
क्रिसमस संगसंगै मनाइ  रहेको युरोप !
पर्खिरहेको स्प्रिङ
पर्खिरहेको समर
बसन्त फुल्ने प्रतिक्षामा
सेतो धर्ती रंगहरु पर्खि रहेको |
बसन्त बहार सजाई रहेको मनभरी |
न्याना घाम हरु कामना गरि रहेछ तन भरी |

सम्प्रति: संयुक्त अधिराज्य बेलायत






Saturday, October 3, 2015


लघुकथा : लाभश्री  बैंक
रामहरि पौड्याल
भरतपुर १२ /१९३ , बसन्त चोक , चितवन

हाम्री लौरा मामुको दाइको बैंक !
उहाँ ठूलो खानदानी हुनुहुन्छ |...  पार्टीको ठूलो नेता भुतपुर्ब मन्त्रीको छिमेकी | उनीहरुको लगानीमा चलाइएको बैंक | ब्याज पनि दोब्बर चार बर्षमा | ऐरे गैरे नथु खैरे हरुको च्याउ उम्रे झैं उम्रेका सहकारी साना बैंकमा पैसा राख्नु हुन्दैन  |  धाक मायाँ ले टोल थर्काइन लाभ श्री बैंक को प्रबक्ता बनेर | आफुलाई स्वोनाम धन्य खानदानी थानकोट बाट पर घर हुने सबै पाखे ठान्ने ती परिवारका सबैले लाभश्रीको सक्दो लाभ उठाउने निर्णय गरे |
"तेइ कान्छा बाउले खायो होला त्यो पैसा "
बुढीले च्याठीदै कुर्लिइ |
"ज्या त्यो के जाति पाखे बैंकको संस्थापक सेयर भनेर त्यत्रो पैसा खेर गयो | हेर ! लाभश्री बैंक मा राखेको भए दोब्बर हुन्थ्यो |"
बुढाले रोष प्रकट गरे |
डबल ब्याजको पैसामा कार किन्ने योजना बन्यो | तीर्थ जानु पर्यो | बुढेशकालमा यसो धर्म कर्म पनि गर्नु पर्यो | नारायणको पूजा धुमधाम लाउने घर सल्लाहा भयो |
कसले जग्गाको लंठो गरोस ? मोहीले जग्गा खाइदिञ्छ | मैनाको लाख ब्याज छाडेर कसले अरु बन्द ब्यापारको झनजट गरोस | हामीलाई नेपालमै विदेश | खान नपुग्ने पाखे हरु गैरहुन विदेश |
................
दोब्बर ब्याजको दिन आइपुग्ने बेलामा एउटा नयाँ हल्लाले राजधानी हल्ल्यो | लाभश्री बैंकका प्रमुख फरार | बैंकमा तालाबन्दी | दोब्बर ब्याजको सपनामा आफ्ना इस्ट मित्रलाई समेत होचा पाखे देख्ने ती सहरिया शु - शभ्य हरुले तोरीको फूल देखि रहेका छन् अति ब्याजको नाम मा डुबेको साबा समेत  सम्झेर |



Image may contain: 1 person
सम्प्रति: संयुक्त अधिराज्य बेलायत

Thursday, October 1, 2015

ऋषिमन

लघुकथा: ऋषिमन
रामहरि पौड्याल
भरतपुर १२ / १९३ , बसन्त चोक , चितवन

छिमेकका मुखिया आफू नियुक्त भएको खुसियालीमा औपचारिक भ्रमणमा निस्किए । धार्मिक स्वोभाबका ती धर्मभिरु मुखियालाई सानो गरिब छिमेक्ले सके सम्मको राजकीय सम्मान प्रकट गर्यो । आफ्नो देशको आराध्यदेव पशुपतिनाथको चारै ढोकाहरु खोलिए पुजा समाधिका लागि । बाटाघाटाहरु उनका स्वागतमा मुस्कुराए ! देश पुरै छिमेकका मुखिया मय भयो ।
आफ्नो देशको सार्भभौम संसदमा उनलाई ठुलो स्वागत गरियो त्यतिले पुगेन उनलाई सम्बोधन गर्न दियियो । बाक पटुताका अधिपति तिनले सारालाई मन्त्रमुग्ध मात्र पारेनन् नेपालीमा सम्बोधन गरेर सारा छिमेकको दील चोरे।
बुद्धको भुमि / पशुपति नाथको देश / बीर गोर्खालीको देश ...
पानी र जवानी एकै ठाउँमा नबस्ने प्रसङ्ग ........
पहाड र हिमाल मानसरोबर र उर्बर तराइको अनौठो संगम रहेको छिमेकको ठुलो प्रसंसा गरे। सहमतिका लागि सबैमा ऋषि मन हुनु पर्ने भनि पटक पटक दोहोर्याए । तालीको गडगडाहटले उनको स्वागत सत्कार भयो ऐतिहासिक ।
आफुले छिमेको सार्भभौम स्वतन्त्रको रक्षा र नयाँ नेपालको बहुपर्तिक्षित कानुनि पुस्तिका निर्माणको दिन गनी रहेको बताए । त्यसको स्वागतमा फूलमाला लिएर प्रतीक्षा गरेको सुनाए । जनताले बलिदान गरेर ल्याएको त्यो कानुनि किताब विश्वमै उदाहरनिय हुने संकल्प सुनाए ।
नेता हुनु त छिमेकका मुखिया जस्तो । ..........
मुखिया हाइ हाइ !
मुखिया हाइ हाइ !!
छिमेकी हाइ हाइ !!!
.............
यता छिमेकीले सारा प्रकिया पुर्याएर निर्वाचित नब्बे प्रतिशत बहुमतले सबैलाई समेट्ने, सबैलाई अधिकार सम्पन्न बनाउने, दलित आधिबाशी हरुलाई आरक्षण जागिर देखि भोटको अनुपातमा सदन सम्म प्रतिनिधित्वो गर्ने आफ्नो देशको कानुन पास गर्यो । सत्तरी वर्षा देखिको जनताको जनचाहना पुरा गर्यो । सबैले स्वागत गरे । दीपावली गरे । बधाई दिए ।
तर आश्चर्य के भयो कुन्नि ?
ऋषि मनका अभियन्ता धर्म भीरु ती महान हाम्रा छिमेकी मुखियाले नयाँ कानुनको स्वागतमा एक शब्द बोलेनन् । त्यतिमात्र कहाँ होर उनको देशबाट आउनु पर्ने रासन पानी, तेल मट्टीतेलको ढोका बन्द गरेर उनका आजु बाजुका भरौटेहरुलाई दाल भात खुवाएर हाम्रै तिर ढुंगा हान्न उक्साई रहेका छन् ।
हामी छिमेकको मुतको न्यानोमा परेर आफ्नै देश आफ्नै आमालाई कुटी रहेका छौं । आफ्नै भूमिलाई पराइमा गाभ्न ऋषि मनले उदत्त छौं ।
सम्प्रति: संयुक्त अधिराज्य बेलायत

Tuesday, September 22, 2015

शिवजीको पूजा


लघुकथा: शिवजीको पूजा
रामहरि पौड्याल
भरतपुर १२ /१९३ , बसन्त चोक , चितवन
हिन्दु नारीहरुको महान चाहाड हरितालिका तीज भर्खरै शुरु भएको छ | गाउँ शहरमा मात्र नभएर समुन्द्र पारिसम्म तीज राता सारी र गर गहनामा सजिएर रन्किएको छ सबैतिर | भोज भतेरको भड्किलो क्रम जारी छ सर्बत्र | मीठा मीठा परिकारहरु, गहना गुरियाले सजिएका भड्किला तस्बिरहरुले भरिएका छन् फेसबुकका भित्ताहरु | आस्था कम र आडम्बर  बढी भएका शिब भक्तहरु हात हात मा सोम रस लिएर पोज दिई रहेका छन् ! नाची रहेका छन् हांसी रहेका छन् | गीतहरु हाम्रा सामाजिक परम्पराको लिकबाट भाग्दै लोक संस्कृतिको आफ्नो बिगतलाई खिसी गर्दै आधुनिक हुने होडमा पस्चिमिकरण गरिदै छ | लुघाहरु छोट्टाउदै  ज्योतिर्मय प्रदसन मा हामी लागि रहेका छौँ | नचाहिँदो  धाक फुस्रो रबाफ मा आफुलाई खानदानी साबित गर्न सामाजिक मर्यादाको किल्ला भत्काउनु एउटा क्रान्तिकारी प्रयास ठानिएको छ |
मन्दिरहरु भरिभराउ छन् तीजका बर्तालुहरु आतुर छन् शिवजीलाई प्रसन्न पार्ने होडमा | आफ्ना पती देबको दिर्घायुको कामना | अबिबाहित हरु कल्पनाको बलिस्ट शिवजीको कामनामा तल्लिन छन् | मन्दिरका शिवजी मात्र होइन उनका ढुगें शिब लिङ्ग मा झन् धेरै भक्तालुहरुको भीड छ, तछाड मछाड छ | हात हातमा दुधको बोतल लिएर तेइ सबैको परम प्रिय शिबलिङ्गको दुघ्द स्नानमा एउटा बिशाल लाइन लाम बद्ध छ | भोक भोकै पानी समेत नखाई शिवजी प्रति को यो अथाह प्रेम ! मन्दिर धुप धुँवा र भजन किर्तनले एउटा अलौकिक संगीतमय भएको छ |
मन्दिरको ठिक पारिपट्टिको सुकम्बासी बस्तीका सयौं सुकेनास लागेका बाल बच्चाहरु भोको पेट र खानाको आसामा आकासतिर भगवान पुकारी रहेका छन् |
यो शिबलिङ्ग हुँदै नालीमा मिसिएको लाखौं लिटर दुध त्यो भुकमरीमा परेका सुकेनास बालबालिकाहरु तर्फ़ सोझाउन सके कति साँचो धर्म हुँदो हो ? शिबजिलाई प्रसन्न गर्ने एउटा कति राम्रो परोपकारी उपाय ठहरिँदो हो ? मेरो मनमा उठ्ने गरेको एउटा जिज्ञासा |
सम्प्रति: संयुक्त अधिराज्य बेलायत

Saturday, September 12, 2015

देश जलिरहेको छ !


Image may contain: 1 person, smiling, textकविता
रामहरि पौड्याल
भरतपुर १२ / १९३ , बसन्त चोक , चितवन

सदियौं देखि देश जली रह्यो ,
प्रजातन्त्रका नाममा
पंचायतका नाममा
पुन: प्रजातन्त्रका नाममा
गणतन्त्र / लोकतन्त्र
संघियता / संबिधान सभा
जातीय राज्य / क्षेत्रीय राज्य
अखण्ड सुदुर पश्चिम / मधेश प्रदेश
थरुहट / लिम्बुवान
मगरात / कोचिला
लडाई जारी छ !
देश जली रह्यो ,
मान्छे मरी रहे ,
जनतालाई आफ्नो स्वार्थ अनुसार खेलायो ,
आगो बाल्यो , देश जलायो
बिद्रोह सल्कायो , छिमेकबाट भाडाका टट्टुहरु बटुल्यो
नेपालीहरुका बीच बैमनुस्यताको बिष भर्यो
आज त्यो क्यान्सर भएर समाज खाइ रहेको छ !
शहिदको मूल्य बडाबड !
१/२/५ / १० होइन ५० लाख पुगेको छ !
नेपाल बन्द ! एउटा फेसन
जबर्जस्ति आगजनी , तोडफोड
कुनै कानुन छैन
अर्काको निजि गाडी , घर , एम्बुलेन्स केहि बाकि नरहने
भाला रोप्दै हिड्यो ,
भाटा उठाउदै कुद्यो
आन्दोलनको नाममा हुने यो अराजकताको अन्त्य कहिले ?
आज देश थिचिएको छ ,
कालापानी दोहोरिएको छ
लिपुलेक दुखि रहेको छ !
सिक्किमीकरण हुने लाइनमा आज हामी आफैं लागेका छौं
कसैलाई पीर छैन देश जोगाउने
देश टुक्र्याउने होडमा
मुख्यमन्त्रीको सपना बुन्ने हामी
भाइ फुटेर गवार लुटाउने लाइनमा रमाउने हामी
पटक पटक भेडामा बदलि रह्यौ
तिनैका राजनीतिक गोटी बनि रहयौं
सिंगापुर बनाउने तिनका सपना
काठमानडुको सडक धुने पानी
मेलाम्चिको काकाकुले पर्खाइ !
दिनहुँ को लामो लोड सेडिंग
बिश्वो को ठुलो जल भण्डारले खिसी गरि रह्यो
प्रजातन्त्र / समाजबाद
बीपीको सपना
पुस्पलाल कमरेडको क्रान्तिकारिता
मदन भण्डारीको बहुदलीय जनबाद
प्रचण्डको राजनीतिक छलाङ्ग !
मधेशीहरुको एकल मधेश
अग्राधिकार सहितको तराइ
थरुहट ...
संबिधान सभाका नाममा मुलुकले ब्योहोरेको ,
यो आठ आठ बर्षको पट्ट्यर लाग्दो बर्बादी
देश बन्न संबिधान चाहिदैन
बेलायतलाई हेर जसको लिखित संबिधान छैन
राजतन्त्र छ मर्यादित !
राजनीति गर्दिन कैलेइ
दुनियाँ बदलिए ६० बर्षमा
तर बेलायति महारानी अखण्ड बनिन
अकन्टक बनिन
सम्मानित बनिन
किन सिकेन नेपाली राजतन्त्रले यो पाठ ?
किन सिकेन नेपाली राजनीतिले यो पाठ ??
देश बन्न एउटा असल नेत्रित्त्वो चाहिन्छ
एउटा राष्ट्र सेबक
जसले भ्रस्टाचारलाइ निमिट्यान्न पारोस
पहाड हिमाल मधेसको विभेदलाई जोडोस
छिमिकिलाई भन्न सकोस सिक्किमे सपना बन्द गर !
घरभित्रको हाम्रो झगडामा न्यायाधिस बन्ने काइते परम्परा   बन्द गर !!

सम्प्रति: संयुक्त अधिराज्य बेलायत

Friday, September 11, 2015




समाजवादको बाटो
लघुकथा
रामहरि पौड्याल
भरतपुर १२ /१९३ , बसन्त चोक , चितवन
बि.पी. कोइरालाको १०१ औं जन्म जयन्ति समारोह | स्थानीय वडाका सभापति मोति बाजेले भन्दै गए -
" बि.पी. कोइराला महामानव हुनुहुन्थ्यो | प्रजातन्त्र , समाजबाद र समतामुकक समाजका प्रणेता हुनुहुन्थ्यो | आजका दिन हामीले उहांका प्रेरक भनाइहरुलाई जीवनमा उतार्ने प्रण गर्नु पर्दछ |
सान्दाइ भन्नुहुन्थ्यो - " योजना आयोगको सभा कक्षमा एउटा गरीब किसानको फोटो ...........
तपाइंलाई कुनै सन्देह भए देसको एकमुठी माटो छोएर सोधुनु त्यसले जे जबाफ दिञ्छ त्यहि गर्नु | "
धारा प्रबाह भासण | बिश्वो बन्धुत्त्वोको सकारात्मक ओज सुनेर तालीको गड्गडाहट छुट्यो |
यसरि समाज बदल्ने ठुलो भासण सकेर घर फर्केका बाजे घर नपुग्दै एका एक पुट पुटाउन थाले | भट भटा उन लागे | थाले एक्लै आफ्नै भाईको घरतिर हेर्दै टोलाउन |
नयाँ बाटो खोलेर भाइको छोराले बारीको डिलमा बनाएको घर बनाउन नासकिदैं एउटा कलेजले लियो | मैनाको पचास हजार बहाल | घर नजिकैको उसको जागिर | कुनै खर्च छैन | मोटर साइकलमा आउजाउ गर्छ | आफ्नो छोराहरु देशमै भएपनि बिदेशिएका जस्ता | दशैं तिहार नभई देख्न नपाइने | जैले पनि पैसाकै अनिकाल | घरभाडा , नातिनातिनिको महँगो स्कुल |
समाज बदल्ने अभियन्ता नेता मोति बाजेलाइ असह्य भए छ | आफ्नै खुसि राजीले बनाएको बाटो | कत्रो पारिवारिक राजनीति गरेर सोझा रोगि अरु लाटा दाइहरुलाइ बाटो नदिएर उठिबास लगाए पछि बनेको समीकरण | तेइ बाटोको एक मुठी माटो उठाएर आँखा चिम्म पारेर के सोचे कुन्नि एका एक घर भित्रबाट फोरुवा लिएर बाटो खन्न थाले सकी नसकी | तेतिले पुगेन भैसीको भकारो तेइ बाटोमा ल्याएर पोते | हिजो आफैले खनेको बाटो आज आफैले भत्काउनु भत्काए |
कार्यक्रम बाट फर्कंदै गरेका उनकै मान्छेहरुले पारिवारिक विभेद को त्यो नमीठो नाटकलाई कुरी कुरी गरि रहे | बीपीको समाजबादको बाटो ! देश बनाउने भासण !! उनलाई जिस्क्याई रहेको थोयो | धिक्कारिरहेको थियो |
सम्प्रति: संयुक्त अधिराज्य बेलायत

Saturday, August 29, 2015

संघीयता

संघीयता
रामहरि पौड्याल

थारुवान / अखण्ड  सुदुर पश्चिम
मधेश प्रदेश / लिम्बुवान
 नेवा / कोचिला .....
गणतन्त्र / संघीयता
आउनुहोस आफुलाई चाहिएको राज्य लिनुहोस्
अधिकार तपाइको हातमा छ ,
काट्नुहोस केक काटेझै
यो देशलाई बाड्नुहोस
हिमाल / पहाड / तराइ
आफ्नो रोजाइ !
हामीलाई भोट चाहिएको छ
हामीलाई नोट  चाहिएको छ
नयाँ प्रदेशको मुख्यमन्त्री  चाहिएको छ
बाहुन क्षत्रीको हातबाट यो देशको सत्ता
अतिसीमान्तक्रीत  जनजाती , दलीत पीडितको हातमा ल्याउन
हामीलाई भोट दिनुहोस -
तपाइलाइ हामी राज्य दिन्छौं
 भेडाहरुको भीडले  ताली पिट्यो
नेता मुक्ति प्रसाद हाइ हाइ !
नेता लाल बहादुर हाइ हाइ !!
नेता यादब / नेता चौधरी / नेता राइ , लिम्बु , ...
एकसे एक नेता निक्लिए ...
नागरिकता खुकुलो पारियो
छिमेकबाट साला , जेठान , सबैलाई नागरिकता बाँडियो
उताबाट गाउँ पंचायत हारेकाले यता भबिष्य देखे मुख्य मन्त्रीको
सहयोगको नाममा छिमेकबाट सहयोग आइलाग्यो
डनडा , गोलि , बर्साउने चलाउने सबै आयातित
राजदुत , मन्त्रि देखि दिल्ली सम्मको आशिर्बाद
देश टुक्राउने धम्कि खुलेयाम !
बाउनको घरमा आगो लगाउने
पहाडेहरुलाई मधेशबाट खेद्ने
थरुहटबाट कर्मचारी लखेट्ने
राष्ट्र सेबकहरुलाई भाला रोप्ने
पारीबाट भाडाका मान्छेहरु आयात गर्ने संस्कृति
खोइ नेपालीपन काहाँ गयो ?
सुस्ता खोसियो , लिपुलेक दुखि रहेको छ
कोहि छ आवाज उठाउने ?
कोहि छ चित्त दुखाउने ?
आज संघीयताको नाममा एउटा जिल्ला एता उता हुँदा
आगो बाल्नेहरु किन बोल्दैन देश मिचिंदा ?
किन बोल्दैनन देश थिञ्चिदा ?
संघीयताको नयाँ बोर्ड झुण्डाउदैमा देश बन्छ ?
यति सानो देश यति तन्नम रास्ट्रले त्यो खर्च धान्न सक्छ ?
एउटा भूकम्पले / एउटा बिमान स्थलको अबरुद जहाज हटाउन
बिदेशी गुहार्नु पर्ने हाम्रो बधय्ता !
कसरि बन्छ देश अनेक टुक्रामा चिरेर ?
सामर्थ्य / पहिचान / आत्मा निर्णय सहितको अधिकार ?
सदियौं देखिको हाम्रो एकता
पुर्खौं देखिको हाम्रो अभिमान
सांस्कृतिक धरहोर
धर्मभीरु नेपाली जनता
लादिएको निरपेक्षता
नब्बे प्रतिसत ओमकार परिवारका मान्छेहरुको
बिश्वास र आस्थालाई ,
पश्चिमाहरुको पैसा र इसारामै
समाप्त पारिदै छ |
देश बन्न बनाउन लिखित संबिधान नचाहिने देश बेलायत हो,
नियम सानै किन नहोस त्यो लागु हुनु पर्यो राजा देखि रन्क सम्म
लागु नहुने कुरा संबिधानमा लेखेर के गर्ने ?
चरी र घैंटे पाल्ने हरुले  
भ्र्स्टाचरिलाइ कारबाही गर्ने 
देश टुक्र्याउनेहरुलाई पार्टीबाट कारबाही गर्ने हिम्मत गर्न सक्छन ?
देशलाई ६०१ को  भेडीगोठ होइन ,
 एउटा इक्षा शक्ति र राजनेताको खाचो छ !
कुनै पार्टीको गुलाम होइन देशलाई मायाँ गर्ने
एउटा तानाशाहा भएनी हुन्छ
देशको सीमालाई बचाउने
सबैमा नेपलित्तो जगाउने |


Thursday, August 13, 2015


मरो मनको कलेजीमा तिम्रै नाम लेखें
गीत
रामहरि पौड्याल
भरतपुर १२ /१९३ , बसन्त चोक , चितवन

कहाँ जाउँ सुनाउदै मनको बह सबैलाई
संसार देख्ने परेलीलाई
मायाँ रोप्ने तरेलिलाई
मेरो मायाँ तिमीलाई
जुग जुग जाने
आएको छु तिम्ले आफ्नै  साँचो मायाँ माने
 गाएको छु चोखो मायाँ तिम्ले आफ्नै ठाने |
लाएको छु तिम्रै ...
सजाएको तिम्रो चित्र दिलमा कुँदेको छु
लजाएको तिम्रो शील मनमा सजाएको छु
आऊ आज बाचा गरौँ  अजम्बरी प्रीतको
आऊ आज बाचा गरौँ नमूना रीतको
तिम्रो हाम्रो मायाँ दुनियाले गाओस
तिम्रो हाम्रो मायाँ भिर पाखाले लाओस
मरो मनको कलेजीमा तिम्रै नाम लेखें
हजार ती आखाँ माहा तिमीलाई देखें
आफ्ना सबै पीर जति तिमीलाई पोखें
कति कति आए मेरा हात समाउन
कति कति धाए मेरा बात लगाउन
मरो मनको कलेजीमा तिम्रै नाम लेखें
हजार ती आखाँ माहा तिमीलाई देखें  |
मुटुको यो ढुक ढुकीमा तिम्रै नाम सुनें
दिलको यो धुक धुकिमा तिम्रै नाम गुने |


सम्प्रति : संयुक्त अधिराज्य बेलायत

Saturday, August 1, 2015

तिमीले चिनिनौ


तिमीले चिनिनौ
गीत
रामहरि पौड्याल
भरतपुर १२ /१९३ , बसन्त चोक , चितवन

म तिम्रै गीत गुन गुनाइ रहुँ
म बजाई रहुँ तिम्रै प्रेमको बाँसुरी
म नचाई रहुँ तिम्रै रुपको माधुरी
म समाई रहुँ तिम्रै चंचल पाखुरी
जति तर्किञ्छौ पर पर म पछ्याई रहुँ |
जति जन्छेउ पर त्यति वर आइ रहुँ
जति गालि गरेपनि तिम्रै नाम जपू
जति दुख दिए पनि मन मनै खपू
चाहेकी छौ मलाइ यसरि नै तड्पाई रहुँ
चाहेकी छौ त्यसरीनै सँधै भड्काइ रहुँ
हार जीत मिलन बिछोड जीन्दगीका रीत
कैले हाँसो कैले रोदन तिम्रो मेरो प्रीत |
खोइ मेरो कुरा तिमीले सुनी नौ
खोइ मेरो प्रेमलाई तिमीले चिनिनौ ?
गर्दै छु बिन्ति यो  सुञ्छेउकि तेइपनि |
भन्दै छु अन्तिम पटक बुझ्छेउकि तेइपनि |

सम्प्रति : संयुक्त अधिराज्य बेलायत