हाम्रा साना छोरी यी

हाम्रा साना छोरी यी

कविता : बालोरी  छन्द

रामहरि पौड्याल

भरतपुर १२ /१९३ , बसन्त चोक , चितवन

कति राम्री प्रेरणा

छ प्रेमिल सबैकी

कति राम्री प्रेमा यो

हो प्रेरणा सबैकी

उफ्री उफ्री दौडने

पानी देखे पौडने

लुकी लुकी छक्काइ

बैनीलाई पड्काई

भाग्दै दौडे केटी ती

हाँसो मीठो यिनको

नाच राम्रो तिनको

हेर्छौं हामी खेल यो

पर्छौं दङ्ग मेल त्यो

दिदी बैनी प्रेमाका

छोरीहरु आमाका

साथीहरु बाबाका

नानी हाम्रा आँखाका

सानी हाम्रा काखका

बिदेशमा जन्मेका

पर्देशमा हुर्केका

नानी हुन कूलका

पानी हुन मुलका

छुनु मुनु दकुर्ने

बैनीलाई भकुर्ने

प्रेरणा यो छुची हो

प्रेमा अझै फुची हो

आमालाई हसाई

बाबालाई फसाई

आफ्नो कुरा पटाई

कति धेरै पुतली

खेल्छन यी सुसेली

सुनकेस्रा रानीको

बेलायती रुप त्यो

स्नो व्हाइट नाम हो

सिन्ड्रेला त्यो यिनको

बेस्ट डल तिनको

बार्बि डल, अरोरा

साथि हुन प्रेमाका

डक डायरी प्रेरणा

एक्ला एक्लै लेख्छिन

आफैं हाँसी नाच्छिन

हाम्रा साना छोरी यी

भोली कस्ता हुन्छन ?

सम्प्रति: संयुक्त अधिराज्य बेलायत

सेतो धर्ती

रामहरि पौड्याल

भरतपुर १२ / १९३ , बसन्त चोक , चितवन

बिश्वोको केन्द्र युरोप,

यतिखेर हिम साम्राज्यमा हराएको छ |

सारा धर्ती हिमाच्छादित बनेको छ,

माइनस सातको चीसोमा कठांग्रिएको छ |

बोट वृक्षहरू हिम फलाई रहेछन

बन जंगल र पहाड पर्बतहरु हिंउ फुलाई रहेछन |

फाँट हरु बारी र टारिहरुमा सर्बत्र हिंउ  लहराई रहेछन |

कति सफा र स्निग्ध देखिञ्छ यो रोमान्चक सेतो धर्ती !

माइनस सात / नौ ...को चीसोमा पनि

रोकिदैन मान्छेहरुको उमङ्ग

छेकिदैन उनीहरुको उत्साह |

खेली रहेछन हिंउ खेल / हिउँ चिप्लेटी

स साना नानीहरु समेत -

स्नो बल / हिंउ फाइट !

सलल स्लेज्मा चिप्लिंदै,

डङ्गरङ्ग  हिउँ मा लड्दै

पछारिदै उठ्दै

एउटा रोमान्चक अनुभूति

पुरै युरोप हिउँ साम्राज्यमा पुरिएको

महान खुसियाली हिउँ पर्ब ,

क्रिस्चियन हरुको महान चाड

क्रिसमस संगसंगै मनाइ  रहेको छ युरोप !

पर्खिरहेको छ स्प्रिङ

पर्खिरहेको छ समर

बसन्त फुल्ने प्रतिक्षामा

सेतो धर्ती रंगहरु पर्खि रहेको छ |

बसन्त बहार सजाई रहेको छ मनभरी |

न्याना घाम हरु कामना गरि रहेछ तन भरी |

सम्प्रति: संयुक्त अधिराज्य बेलायत