तिमि आए हुन्थ्यो

गीत

रामहरि पौड्याल

भरतपुर १२ / १९३ , बसन्त चोक , चितवन

मेरो मनको संघारमा तिमि आए हुन्थ्यो

मेरो तनको झन्कारमा तिमि छाए हुन्थ्यो

बादलुको घुम्टो पारि परदेशमा छु म

समुन्द्रको किनारैमा तीर्खा खप्दै छु म

१

नरिवल र ताडीका ती सलक्कका रुख

चारैतिर हरियाली मनभित्र दुख

कसले बुझोस् दुर्देशमा तनभित्रको ज्वाला

दुख्दो रैछ छातीभरि स्वदेशको माया

फूल्दो रैछ छातीभरि आफन्तको छाया

२

पोले पनि घामै जाति पिटे पनि आमै

दुख सुख त्यस्तै रैछन आफ्नै देश जाति

रंगीचंगी संसारमा कृतिम छन् सब

फेसन र ग्ल्यामरको दुनियाँ भो अब

३

मेरो मनको संघारमा तिमि आए हुन्थ्यो

मेरो तनको झन्कारमा तिमि छाए हुन्थ्यो

..........................

रचना काल: ३ नोभेम्बर, २००२ फिलिपिन्स