कविता : माफियाको देश !

Poem: country of mafia!

रामहरि पौड्याल

भरतपुर १२ /१९३ , बसन्त चोक , चितवन

जलश्रोत को धनि देश नेपाल ,

Nepal is rich country of Water resources

एक सय सात बर्ष भो बिजुलीको इतिहांस ।

The history of electricity is 107 years long

जलमाफिया हाबी भए , देश अन्धकारमा रुमलिरह्यो ।

Water Maffia became active, the country kept crying in the darkness.

प्रोजेक्टहरु ढिला भए , लागत दोब्बर भए ,

The projects were delayed, the costs were doubled

झोलामा खोला बोक्ने माफियाहरु सर्बत्र हाबी भए ।

ठेकदारहरु मोटाए र मोटाए सर्बहाराको दुहाई दिनेहरु,

प्रजातन्त्रको गुड्डी हाक्ने हरु ।

लोड सेडिङ्ग , बिजुली चोरीले आकास छोएकै छ ।

देश येतिखेर छिमेकी को  400 MW भिख मा चलेको छ ।

देशको साधन सम्पन्न सरकारी स्कुललाई

जब जब  शिक्षा माफियाले बेर्यो ,

धरासाही भए सरकारी स्कुलहरु

अधिपति भए शिक्षा को व्यापार गर्ने हेड सरहरू ।

गल्लि गल्लीमा बोर्डिंग स्कुल खुले ...

सरकारी स्कुल बन्यो राजनीति र जागिर खुवाउने अखडा

कुल्ली कवाडी मात्र पढ्ने जगेडा

कानुनहरु त्यसै अनुसार बन्छन माफियालाई  प्रोत्साहित गर्ने गरि

कुनै प्रतिस्प्रधा नै  नगरी कस्तो गुरु आउलान ?

तिनले कस्तो शिक्षा देलान ?

यो देसका  असि प्रतिसत मान्छे को भोलिको बारेमा कसे सोच्ने ?

मेडिकल शिक्षा माफियाको हातमा गयो ,

गोबिन्द केसीको रोदनको कुनै मूल्य रहेन

Mathema pratibedan matra euta natak bhayo

मारिन्छन दिनुहु हस्पिटलमा

गरीब गुरुबाले बाच्ने ठाउं रहेन

इञ्जिनियरिङ्ग माफियाको हाल त्यस्तै छ

कुनै निकाय छैन अनुगमन गर्ने

कुनै उपाय छैन माफियालाई पाता कस्ने

सबै मिलेका छन् तल  देखि माथि सम्म

सेटिंग मिलेको छ चोरलाई बचाउन

भोटिंग मिलेको छ साधुलाई सुली चडाउन

न्यायालय माफियाले चलेको छ

पशुपति नाथले कति दिन बचाऊला  मेरो देश ?

एउटै नाथलाई भारी ठानेर गणतन्त्र भित्र्याएको मेरो देश

६०१ नाथ हरुले पीडित छ ।

आफ्नै कारणले आज अनाथ अनाथ बनि रहेको छ ।

माफियाका यी बहु रुपले देशलाई कति डस्ने हुन्

कति सक्ने हुन् मात्र प्रतीक्षा गरि रहेको छु ।

देश बाट टाढा पचास लाख बिदेसिको पीडा

कसले सुन्ने ? कसले बुज्ने ??

हाम्रो नोट चल्ने तर भोट नचल्ने ?

सीमा पारीबाट लाखौं छिराउने

तर आफ्नै  भाइ छोरालाई सौता सम्जेर एन आर एन मै डाम्ने ।

मुलुक एउटा जंगबहादुर खोजिरहेको छ ,

देशलाई एकतामा बाँध्ने

देशलाई साँचो अर्थमा मायाँ गर्ने ।

  लोभी पापी हरुलाई , माफियाका सरदारहरुलाई

पाता कसेर बाँध्ने ,

भ्र्स्टाचारिहरुलाइ जेलमा ठोक्ने ।

सम्प्रति: संयुक्त अधिराज्य बेलायत