बिर्सुं भन्छु

रामहरि पौड्याल

भरतपुर १२/१९३, चितवन

बिर्सुं भन्छु जति जति सम्झी आउछ उति उति

निर्मोही तिमीलाई,

निर्दयी तिमीलाई |

कसम हाम्रो कसम प्रीतको

भुलियो कसरि बाचा त्यो सँगै मर्ने र बाँच्नेको ?

भुल्छु भन्छु जति जति झनै घुमि आउछ उति उति

तिम्रो मायालाई,

तिम्रो छायालाई |

सक्तिन हो खोइ किन बिर्सन सक्दिन

बिर्सुं भन्छु जति जति सम्झी आउछ उति उति

तिम्रो मायालाई,

तिम्रो छायालाई |

सम्झिन्छेउकी तिमीले पनि मैले मात्रै हो खोइ ?

हाम्रो मायालाई

हाम्रो कायालाई |

तिम्रो हाम्रो मायाप्रीति बनपाखाले गाओस्

युग युग सम्म अमर प्रीत त्यसले छाओस् |

सम्प्रति:संयुक्त अधिराज्य बेलायत

रचना काल: ४ मे, २०००, फिलिपिन्स

समय

रामहरि पौड्याल

भरतपुर १२/१९३, चितवन

समय बलवान छ,

समय चलि रहन्छ आफनै गतिमा

समयको चक्रसँगै घुम्दो छ जीवन |

समयले मान्छेलाई जीरोबाट हिरो बनाइदिएको छ |

समयले कसैलाई हिरोबाट जीरोमा झार्दिएको छ |

समय जो कहिलेइ रोकिएन,

समय जो कहिलेइ फर्किएन |

चलिनै रह्यो आफ्नो नित्य दैनन्दिनीसँगै,

घुमिनै रह्यो आफ्नो नित्य कर्मन्दिनीसँगै |

इतिहासको  विगतदेखि आगतसम्म,

समय कहिले कृष्ण बनेर कंशाधिको संघार गरेको छ ,

समय कहिले राम बनेर राबणआदिको बिनाश गरेको छ |

समय कहिले महाभारत हुदैं कुरुक्षत्रमा धर्मयुध्य लडेको छ,

समय कहिले जिसस बनेर क्रसमा झुन्डिएको छ |

समय कहिले पैगम्बर त कहिले बुद्ध बनेको छ,

समय कहिले गान्धी बनेको छ त कहिले नेन्सन मन्डेला |

सम्प्रति: संयुक्त अधिराज्य बेलायत

रचनाकाल: २७ अक्टुबर, २०००, फिलिपिन्स