हिमाल हाम्रो पहाड राम्रो मिलेर बसेको

असारे

याे नेपाली लाेकलयमा अाधारित छन्द असारे हाे । यसमा प्रत्येक हरफ १६ अक्षरका हुन्छन् । यसमा ३ + २ + ३ + २ + ३+ ३ गरी १६ अक्षरकाे छन्द विधान तयार पारिन्छ र ५, १० मा विश्राम हुन्छ । महाकवि लक्ष्मीप्रसाद देवकाेटाकाे मुनामदन यसै छन्दमा अाधारित काव्य हाे । जस्तै..

३ + २ + ३ + २ + ३ + ३

.....

क्षेत्रीकाे छाेराे याे पाउ छुन्छ घिनले छुँदैन

मानिस ठूलाे दिलले हुन्छ जातले हुँदैन ।

हिमाल हाम्रो पहाड राम्रो मिलेर बसेको

कविता (असारे छन्द)

रामहरि पौड्याल

भरतपुर १२ /१९३ , बसन्त चोक , चितवन

आजको दिन बिर्सेर किन हामीले हिंडेको ?

हिजोको दिन सम्झेर किन हामीले लडेको ?

भबिष्य हाम्रो धेरै नै राम्रो सबैले गोडेको

माटो त्यो बन्छ मलिलो संधै मिलेर फोडेको  ।

हिमाल हाम्रो पहाड राम्रो मिलेर बसेको

तराइ हाम्रो उर्बर भूमि झुलेर फुलेको  ।

उर्लदै आए त्यो ठुलो हावा हिमाल छेक्ने छ

कुर्लदै आए उत्तरी बैरी पहाड रोक्ने छ  ।

नगर चिन्ता खानको यहाँ तराइ पाल्ने छ

मिलेर हामी बसेका संधै हिमाली पहाडी

कसैले किन पार्दैछ भ्वाङ्ग हाम्रो त्यो पछाडी ।

बुजेर मिलौं पैलेको जस्तै नहुँ है  पराइ

मधेश हाम्रो मुटु त्यो राम्रो हो खुट्टा पहाड

हिमाल हाम्रो हो शान राम्रो संसार चिनौने

मिथिला हाम्रो संस्कृति राम्रो हो देश जनौने  ।

लुम्बिनी हाम्रो बुद्धको थलो शान्तिले सुनौने

मधेशी थारु पहाडी हामी शेर्पा र भोटे हौँ

कोइ आइ लागे देश यो फोर्न छप्किने गोर्खे हौँ  ।

बाँडेर हाम्रो यो देश राम्रो विभिन्न जातमा

फाँडेर राम्रो यो हाम्रो बारी विभिन्न पातमा

नलगौ बिलो बाँडेर खान औंसीको रातमा

नाभागौं आफ्नो छोडेर धर्म बैरीको हातमा ।

छिमेकी हाम्रा अजङ्ग दुई मुख बाइ बस्लान 

फालेर पित्को देखाई हात घरभित्र पस्लान 

चिनौला भोलि को हुन् ती हाम्रा देश यो डुबौने

सदियौ देखि मिलेका हाम्लाई यसरि रुवौने ?

सम्प्रति: संयुक्त अधिराज्य बेलायत